Məşhur restoranlar şəbəkəsi menyuya Messinin adını daşıyan burger əlavə edib

"Hard Rock Cafe" restoranlar şəbəkəsi menyuya Argentina millisi və Fransa PSJ-sinin futbolçusu Lionel Messinin adını daşıyan burger əlavə edib.

"Report" xəbər verir ki, mal əti, pendir, kolbasa, qırmızı soğan və xüsusi sousdan hazırlanan "fast-food" qızardılmış çörəkdə müştərilərə təqdim olunur.

Şirkət rəhbərliyi yeni burgerlərin böyük marağa səbəb olduğunu və yaxşı satıldığını bildirib.

Qeyd edək ki, Lionel Messi ötən ilin avqustunda İspaniya "Barselona"sından PSJ-yə transfer olunub.