Məşhur futbolçu "Qarabağ"ın rəqibi ilə yollarını ayırmaq istəyir

Məşhur futbolçu "Qarabağ"ın rəqibi ilə yollarını ayırmaq istəyir Fernando Torres az oynamasından narazıdır
Futbol
2 Noyabr , 2017 11:18
Məşhur futbolçu Qarabağın rəqibi ilə yollarını ayırmaq istəyir

Bakı. 2 noyabr. REPORT.AZ/ Çempionlar Liqasının (ÇL) qrup mərhələsində “Qarabağ”ın rəqibi olan İspaniya “Atletiko”sunun futbolçusu Fernando Torres qış fasiləsində komandanı tərk etməyi düşünür.

“Report” “Cadena Ser” radiosuna istinadən xəbər verir ki, 33 yaşlı hücumçu az oynamasından narazıdır. Qış fasiləsindən sonra İngiltərənin “Çelsi” klubundan transfer olunmuş Dieqo Kostanın da meydana çıxa biləcəyini göz önünə alan təcrübəli forvard alternativ variantları gözdən keçirir.

Madrid klubu ilə 2018-ci ilin iyununadək müqaviləsi olan hücumçunun xidmətində ABŞ və Çin klubları maraqlıdır.

Torres 2017/2018 mövsümündə La Liqa, İspaniya Kuboku və ÇL də daxil olmaqla ümumilkdə 10 matçda iştirak etsə də, qol vura bilməyib.

Qeyd edək ki, “Atletiko”nun yetirməsi olan Fernando Torres karyerası ərzində İngiltərənin “Liverpul”, “Çelsi” və İtaliyanın “Milan” klublarının formasını geyinib. O, İspaniya millisinin heyətində 110 oyun keçirib və 38 qol vurub. "Qarabağ" qrup mərhələsində "Atletiko"ya qarşı keçirdiyi hər iki oyunda heç-heçə edib. Bakıda 0:0, Madriddə isə 1:1 hesabı qeydə alınıb.

Son xəbərlər

Orphus sistemi