Mehman Allahverdiyev baş məşqçi işləyə bilməməsinin səbəbini açıqlayıb

Mehman Allahverdiyev baş məşqçi işləyə bilməməsinin səbəbini açıqlayıb "Kəpəz" klubunun yeni idman direktoru Mehman Allahverdiyevin baş məşqçi işləyə bilməməsinin səbəbi bəlli olub.
Futbol
24 İyun , 2022 16:55
Mehman Allahverdiyev baş məşqçi işləyə bilməməsinin səbəbini açıqlayıb

"Kəpəz" klubunun yeni idman direktoru Mehman Allahverdiyevin baş məşqçi işləyə bilməməsinin səbəbi bəlli olub.

Bu barədə "Report"a 62 yaşlı mütəxəssisin özü açıqlama verib. Allahverdiyev bunu məşqçilik lisenziyasının olmaması ilə əlaqələndiirb.

O bildirib ki, əvvəllər bu məsələ yox idi: "Bu gün isə lisenziya tələb olunur. Ona görə bundan əvvəl də "Kəpəz"ə icraçı direktor təyin olunmuşdum".

Təcrübəli mütəxəssis gələcəkdə lisenziya əldə edib məşqçi işləmək fikrində olmadığını əlavə edib: "Artıq gecdir. Bundan sonra gedib bütün kateqoriyaları oxumaq xeyli vaxt aparar".

Qeyd edək ki, Mehman Allahverdiyev sonuncu dəfə 2011-ci ildə qısa müddətə "Kəpəz"in baş məşqçisi olub. Əslən gəncəli olan Allahverdiyev Azərbaycanın ən titullu məşqçilərindən biridir. O, Qərb təmsilçisinin sükanı arxasında 3 dəfə Azərbaycan çempionu, 4 dəfə ölkə kubokunun qalibi, 2 dəfə gümüş, 1 dəfə bürünc medalçı olub. Allahverdiyev həm məşqçilik karyerası ərzində, həm də sonradan icraçı direktor kimi yalnız "Kəpəz"də çalışıb. O, 2016-cı il sentyabrın 22-də klubun Müşahidə Şurasının qərarı ilə icraçı direktor vəzifəsindən azad olunub və o vaxtdan futbol sahəsində çalışmayıb.

Mehman Allahverdiyevin müsahibəsinin tam versiyasını buradan oxuya bilərsiniz.

Son xəbərlər

Orphus sistemi