"Mançester Yunayted" Avropa Liqasının ilk yarımfinal matçında "Selta"nı məğlub edib - VİDEO

Bakı. 5 may. REPORT.AZ/ İngiltərənin "Mançester Yunayted" klubu Avropa Liqasının ilk yarımfinal matçında səfərdə İspaniya "Selta"sını məğlub edib.

"Report" xəbər verir ki, görüş qonaqların 1:0 hesablı qələbəsi ilə başa çatıb.

Oyunda yeganə qolu cərimə zərbəsindən dəqiq zərbə ilə Markus Reşford vurub.

Ötən gün isə digər yarımfinal oyununda "Ayaks" (Hollandiya) "Lion"u (Fransa) 4:1 hesabı ilə darmadağın etmişdi.