"Mançester Yunayted" argentinalı hücumçu üçün danışıqlara başlayıb

İngiltərənin "Mançester Yunayted" klubu heyətini yeni futbolçu ilə gücləndirmək istəyir.

"Report" xarici mətbuata istinadən xəbər verir ki, "qırmızı şeytanlar" Argentinanın "River Pleyt" klubunda çıxış edən Xulian Alvaresi transfer etmək niyyətindədir.

Artıq 22 yaşlı hücumçunun klubu ilə danışıqlara da başlanılıb. Mançester təmsilçisi argentinalı oyunçuya 2026-cı ilədək müqavilə təklif edəcək.

Qeyd edək ki, cari mövsüm "River Pleyt"də 21 oyuna çıxan Xulian Alvares 18 qol və 9 məhsuldar ötürmə ilə yadda qalıb.