Mahir Emrelinin komandası derbi oyununa çıxacaq

Azərbaycan millisinin futbolçusu Mahir Emrelinin çıxış etdiyi "Dinamo" (Zaqreb) klubu bu gün Xorvatiya I Liqasında derbi oyununa çıxacaq.

"Report"un məlumatına görə, Jelko Kopiçin baş məşqçi olduğu komanda IX turdan təxirə salınmış matçda "Hayduk"un qonağı olacaq.

Qarşılaşma Bakı vaxtı ilə saat 21:00-da başlayacaq. Zaqreb təmsilçisi 30 oyundan sonra 60 xalla liderdir, meydan sahibləri isə 59 xalla 3-cü pillədə qərarlaşıb.

Qeyd edək ki, Mahir Emreli "Dinamo"nun heyətində 2 qol vurub.