Macarıstan klubu "Qəbələ" ilə oyundan əvvəl qapıçısını icarəyə verib

"Qəbələ"nin UEFA Konfrans Liqasının II təsnifat mərhələsindəki rəqibi olan Macarıstan "Fehervar"ı qapıçısı Adam Kovaçiki icarəyə verib.

"Report" klubun rəsmi saytına istinadən xəbər verir ki, 31 yaşlı qolkiper növbəti mövsüm "Dyor"da çıxış edəcək.

Macarıstan millisinin sabiq üzvü 2015-ci ildən "Fehervar"ın formasını geyinir.

Qeyd edək ki, "Qəbələ" "Fehervar"a qarşı ilk oyununu iyulun 21-də səfərdə, cavab matçını isə bir həftə sonra evdə keçirəcək.