Lüksemburqda Azərbaycan millisi üçün xüsusi polis patrulu yerləşdirildi

Lüksemburqda Azərbaycan millisi üçün xüsusi polis patrulu yerləşdirildi Azərbaycan yığmasının UEFA Millətlər Liqasının VI turunda Lüksemburqla qarşılaşacağı "Jozi Bartel" stadionunda təhlükəsizlik tədbirləri gücləndirilib.
Futbol
637
16 Noyabr , 2020 20:56
Lüksemburqda Azərbaycan millisi üçün xüsusi polis patrulu yerləşdirildi

Azərbaycan yığmasının UEFA Millətlər Liqasının VI turunda Lüksemburqla qarşılaşacağı "Jozi Bartel" stadionunda və onun ərazisində təhlükəsizlik tədbirləri gücləndirilib.

"Report" "Tageblatt" nəşrinə istinadən xəbər verir ki, Canni De Byazinin baş məşqçi olduğu komanda gecə-gündüz müşayiət olunur.

Komandanın qaldığı otelin qarşısında daimi polis patrulu yerləşdirilib. Yerli federasiya dronlardan istifadənin qadağan edilməsi üçün Nəqliyyat Nazirliyinə müraciət edib.

Nazirlik stadion yaxınlığında vəziyyətin izləniləcəyini bildirib.

Qeyd edək ki, 2018/2019 mövsümündə UEFA Avropa Liqasının qrup mərhələsinin "Düdelanj" - "Qarabağ" oyununda (1:4) ermənilər tərəfindən təxribat törədilmişdi. Matçın birinci hissəsində Ağdam klubunun 30-cu dəqiqədə vurduğu ikinci qoldan sonra stadionun üzərinə dronla separatçı rejimin bayrağı gətirilmişdi.

Noyabrın 17-də keçiriləcək Lüksemburq - Azərbaycan görüşü Bakı vaxtı ilə saat 23:45-də başlayacaq.

Son xəbərlər

Orphus sistemi