Lük Holts: "Matçları yeni stadionda keçirmək istəyirik"

"Lüksemburqda çoxlu serbiyalı və portuqaliyalı yaşayır. İrlandiyanın da çoxlu sayda azarkeşi var".

"Report"un məlumatına görə, bu fikirləri Lüksemburq millisinin baş məşqçisi Lük Holts "Wort.lu" saytına açıqlamasında DÇ-2022-nin seçmə mərhələsinin püşkünü dəyərləndirərkən deyib.

51 yaşlı mütəxəssis matçlarda azarkeşlərin iştirak etməsinin tərəfdarı olduğnu bildirib: "Ümid edirəm ki, oyunları yeni stadionda və azarkeşlər qarşısında oynaya biləcəyik. Bundan əlavə, bütün oyunçuların hazır olması vacib amillərdən biridir".

Qeyd edək ki, Lüksemburq yığması Serbiya, Portuqaliya, İrlandiya və Azərbaycan millisi ilə birlikdə A qrupunda qərarlaşıb.