"Liverpul"un futbolçusu Fransa klubuna keçib

İngiltərənin "Liverpul" klubunun futbolçusu Cerdan Şakiri karyerasını Fransada davam etdirəcək.

"Report"un məlumatına görə, "Lion" 29 yaşlı yarımmüdafiəçini heyətinə qatdığını açıqlayıb. İsveçrəli oyunçu ilə 3 illik müqavilə imzalanacaq.

Qeyd edək ki, Cerdan Şakiri 2018-ci ildən "Liverpul"un formasını geyinib. O, daha əvvəl Almaniyada "Bavariya", İtaliyada isə "İnter" klubunun şərəfini qoruyub.