"Liverpul" daha bir futbolçusunu itirdi

İngiltərənin "Liverpul" klubunun daha bir futbolçusu zədələnib.

"Report" yerli mətbuata istinadən xəbər verir ki, bu dəfə yarımmüdafiəçi Fabinyo sıradan çıxıb.

28 yaşlı braziliyalı oyunçu fevralın 13-də Premyer Liqanın XXIV turunda "Lester"lə matçı buraxacaq. Onun yaşıl meydanlara nə vaxt qayıdacağı bəlli deyil.

Qeyd edək ki, "Liverpul"in heyətində daha əvvəl Vircil van Deyk, Joel Matip, Co Qomes, Nabi Keyta və Diequ Jotanın zədəli olduğu bəllidir.