“Liverpul” ardıcıl 18-ci qələbəsini qazandı

“Liverpul” klubu İngiltərə Premyer Liqasının 27-ci turunda “Vest Ham” komandasını qəbul edib.

“Report” xəbər verir ki, görüş Liverpulun “Enfild” stadionunda baş tutub və ev sahiblərinin 3:2 hesablı qələbəsi ilə başa çatıb. “Liverpul”dan Məhəmməd Salah, Sadio Mane və Veynaldum fərqlənib.

“Vest Ham” isə vurulan qolların yalnız ikisinin əvəzini çıxa bilib. İssa Diop və Pablo Fornales “Liverpul”un qapısına yol tapa bilib.

Bununla da “Liverpul” klubu İngiltərə Premyer Liqasında ardıcıl 18-ci qələbəsini qazanıb.