Kriştianu Ronaldunun transferindən sonra “Yuventus”un səhmləri bahalaşıb

Bakı. 25 avqust. REPORT.AZ/ Portuqaliya millisinin futbolçusu Kriştianu Ronaldunun transferindən sonra İtaliyanın “Yuventus” klubunun səhmləri 55,15 faiz bahalaşıb.

“Report” “Football Italia”ya istinadən xəbər verir ki, hazırda Turin təmsilçisinin bir səhminin dəyəri 1 avrodan çoxdur.

Qeyd edək ki, Ronaldu bu yay İspaniyanın “Real Madrid” klubundan 112 milyon avroya alınıb. 33 yaşlı hücumçunun illik maaşı 30 milyon avro təşkil edir.