Komanda yoldaşı Messini "trol" adlandırıb

İspaniya "Barselona"sının futbolçusu Jerar Pike boş vaxtlarında komanda yoldaşları ilə ünsiyyətindən danışıb.

"Report"un məlumatına görə, təcrübəli müdafiəçi "La Resistencia" yumoristik şousunda "votsap"da "Barsa" emblemi ilə çat yaratdığını açıqlayıb. O, belə bir qrupu kollektivdə yaxşı ab-havanın olması məqsədilə yaratdığını bildirib: "Messi çox ironiyalı yumora malikdir. O, tanıdıqlarım arasında ən böyük trollardan biridir".

Qeyd edək ki, "Barselona" La Liqada növbəti oyununu martın 30-da "Nou Kamp" stadionunda keçirəcək. XXIX tur matçında rəqib "Espanyol" olacaq. 28 turdan sonra Kataloniya komandası ən yaxın izləyicisi "Atletiko"nu 10 xal qabaqlayaraq birinci yeri tutur.