Kolumbiya ABŞ-ı məğlub edərək Amerika Kubokunda üçüncü olub - VİDEO

Bakı. 26 iyun. REPORT.AZ/ Futbol üzrə Kolumbiya yığması ABŞ-ı 1:0 hesabı ilə məğlub edərək Amerika Kubokunda üçüncü yeri tutub.

"Report" xəbər verir ki, matçda yeganə qolu 31-ci dəqiqədə Karlos Bakka vurub.

Oyuna əlavə olunmuş dəqiqələrdə kobud davranışa görə, amerikalı Maykl Orosko və kolumbiyalı Santyaqo Arias meydandan qovulub.

Kolumbiya tarixində 4-cü dəfə turnirin bürünc mükafatçısı olub.