"Dinamo" klubuna qarşı cinayət işi açılıb

Ukrayna Baş Prokurorluğu Kiyev "Dinamo"suna qarşı cinayət işi açıb.

"Report" sport.ua saytına istinadən xəbər verir ki, buna klubun vəzifəli şəxslərinin külli miqdarda vergidən yayınması səbəb olub.

Klub rəsmilərinə Ukrayna Cinayət Məcəlləsinin 212-ci maddəsinin 3-cü bəndinə (vergidən yayınma, digər məcburi ödənişlər) görə ittiham olunurlar. Bu maddə ilə beş ildən on ilədək müddətə azadlıqdan məhrumetmə cəzası nəzərdə tutulur.