KİV: PSJ baş məşqçisini qovdu

Fransanın PSJ klubu baş məşqçisi Tomas Tuxellə yollarını ayırıb.

"Report" "LEquipe"ə istinadən xəbər verir ki, 47 yaşlı almaniyalı mütəxəssis müqaviləsinin bitməsinə 6 ay qalmış istefaya göndərilib.

Paris təmsilçisi Fransa çempionatının XVII turunda "Strasburq"u 4:0 hesabı ilə məğlub etmişdi. Rəhbərlik həmin görüşdən sonra Tuxelə postundan gedəcəyini bildirib.

Qeyd edək ki, Tomas Tuxel 2018-ci ildə PSJ-yə baş məşqçi təyin olunub.