Bakı. 12 noyabr. REPORT.AZ/ İspaniyanın "Real Madrid" klubunun yeni baş məşqçisi müəyyənləşib.
"Report" ESPN-ə istinadən xəbər verir ki, hazırda komandaya rəhbərlik edən Santyaqo Solari paytaxt klubunun baş məşqçisi kimi təsdiq olunacaq.
İspaniya La Liqasının reqlamentinə əsasən, klubda baş məşqçi əvəzi iki həftədən artıq qala bilməz.
"Kral klubu" 42 yaşlı mütəxəssisin mövsümün sonuna kimi komandaya rəhbərlik etməsi ilə bağlı İspaniya Futbol Federasiyasına müraciət edib.
Qeyd edək ki, "Real Madrid" uğursuz çıxışlardan sonra baş məşqçisi Xulen Lopeteqini istefaya göndərib. Santyaqo Solari İspaniya nəhənginin ehtiyat komandası hesab olunan "Kastiliya"nın baş məşqçisi idi.