KİV: "Fənərbağça" Eusebio Di Françesko ilə razılığa gəldi

Türkiyənin "Fənərbağça" klubu italiyalı baş məşqçi Eusebio Di Françesko ilə razılığa gəlib. 

"Report"un İtaliya KİV-inə istinadən verdiyi məlumata görə, 51 yaşlı mütəxəssis İstanbul təmsilçisinin rəhbərliyi ilə futbolçu transferləri barədə də danışıb.

Onun 3 tanınmış futbolçunu özü ilə birlikdə Türkiyəyə aparacağı vurğulanıb. 

Qeyd edək ki, Eusebio Di Françeskonun Azərbaycan millisində baş məşqçi postuna namizəd olduğu yazılmışdı.