"Keşlə" - "Qarabağ" oyununda insident

Futbol üzrə Azərbaycan Premyer Liqasında XX turun "Keşlə" - "Qarabağ" oyununda insident yaşanıb.

"Report"un məlumatına görə, matçın son dəqiqələrində meydan sahiblərinin heyətində İlkin Qırtımovun qonaqlardan Abdullah Zubirə qarşı kobud oynamasından sonra futbolçular arasında mübahisə düşüb. 

Daha sonra Maqaye Qaye də məsələyə qarışıb. Digər oyunçuların müdaxiləsindən sonra ara sakitləşib. Görüşün baş hakimi Əliyar Ağayev hər üç futbolçuya sarı vərəqə göstərib.

Qeyd edək ki, qarşılaşma "Qarabağ"ın 2:0 hesablı qələbəsi ilə başa çatıb.