"Keşlə"nin baş məşqçisi: "Anatole Abanqın komandadakı taleyi məlum deyil"

"Keşlə"nin baş məşqçisi: "Anatole Abanqın komandadakı taleyi məlum deyil" "Anatole Abanqın sarı vərəqə aldığı epizodları tam incələdikdən onunla bağlı qərar verəcəyik".
Futbol
256
5 Dekabr , 2021 13:19
Keşlənin baş məşqçisi: Anatole Abanqın komandadakı taleyi məlum deyil

"Anatole Abanqın sarı vərəqə aldığı epizodları tam incələdikdən onunla bağlı qərar verəcəyik".

Bu fikirləri "Report"a açıqlamasında "Keşlə"nin baş məşqçisi Sənan Qurbanov "Səbail"lə 2:2 hesablı heç-heçə etdikləri Premyer Liqanın XIII tur oyununda kamerunlu hücumçunun qırmızı vərəqə alması ilə bağlı danışarkən deyib.

41 yaşlı mütəxəssis futbolda bu cür halların baş verə biləcəyini söyləyib. Qurbanov qışda müqaviləsi bitən oyunçunun adının başqa klublarla hallanmasını normal hesab edib: "İnanmıram ki, fikri başqa yerdə olduğu üçün bu cür hərəkətlər etsin. Dünən ikinci qolumuzu Abanq vurub. Sadəcə, həmin epizodlar aqressivlikdən qaynaqlanırdı".

Gənc baş məşqçi "futbolçunun özünü nizamlaması üçün nələrsə edəcəksinizmi" sualını bu cür cavablandırıb: "Onun qışda klubla sözləşməsi başa çatır. Komandada qalıb-qalmayacağı bəlli deyil".

Qeyd edək ki, Anatole Abanq "Səbail"lə görüşün 1 və 61-ci dəqiqələrində sarı vərəqə alaraq meydandan qovulub.

Son xəbərlər

Orphus sistemi