Joze Mourinyo üçüncü dəfə "Çelsi"nin baş məşqçisi ola bilər

Joze Mourinyo üçüncü dəfə İngiltərənin "Çelsi" komandasına rəhbərlik edə bilər. 

"Report"un "The Sun"a istinadən verdiyi məlumata görə, 56 yaşlı mütəxəssis iyunun 10-da agenti ilə birlikdə Londonda olub.

Bildirilir ki, Mourinyo "zadaganlar" üçün baş məşqçi postuna əsas namizədlərdən hesab olunur. 

Portuqaliyalı baş məşqçi bu postda italiyalı Mauritsio Sarrini əvəzləyəcək. Klubun səhmdarlarından olan Həsən Naqur "Instagram" hesabından Sarriyə təşəkkür etməklə onun komandadan ayrılacağını qismən təsdiqləyib. 

Qeyd edək ki, Joze Mourinyo 2004 - 2007 və 2013 - 2015-ci illərdə "Çelsi"nin baş məşqçisi olub.