İtaliya klubu "Neftçi"nin sabiq baş məşqçisi ilə maraqlanır

İtaliya B Seriyasında çıxış edən "Askoli" komandası "Neftçi"nin sabiq baş məşqçisi Roberto Bordinlə maraqlanır.

"Report" "Tuttomercatoweb"ə istinadən xəbər verir ki, Marke təmsilçisi 55 yaşlı mütəxəssislə yanaşı Federiko Koppitelli və Massimo Rastellinin təyinatını nəzərdən keçirir.

Qeyd edək ki, Roberto Bordin 2018-ci ildən bu ilin əvvəlinə qədər "Neftçi"də işləyib. O, 2018/2019 mövsümündə Azərbaycan çempionatında gümüş medal qazanıb.