İsveçrə - Litva matçı qapılara görə gec başladı

2022-ci il dünya çempionatının İsveçrə və Litva yığmaları arasındakı seçmə oyunu qapılarla əlaqədar problem üzündən təxirə salınıb.

"Report"un məlumatına görə, qarşılaşmanın startı 20 dəqiqəyədək gecikib. Təşkilatçılar qapıların standart ölçüdən bir neçə sm yüksək olduğunu müəyyənləşdiriblər. Bu səbəbdən, qapıları dəyişdirmək lazım gəlib.

Qeyd edək ki, ilk yarıdan sonra İsveçrə öndədir - 1:0.