İspaniya Kubokunun təxirə salınan finalı da azarkeşsiz olacaq

"Real Sosyedad" və "Atletik" (Bilbao) komandaları arasındakı İspaniya Kubokunun final matçına azarkeş buraxılmayacaq.

"Report" İspaniya Futbol Federasiyasının rəsmi saytına istinadən xəbər verir ki, 2019/2020 mövsümündə koronavirus pandemiyası səbəbindən təxirə salınan həlledici oyunun boş tribunalar önündə keçirilməsi qərara alınıb.

Qeyd edək ki, final matçı aprelin 4-də Sevilyadakı Olimpiya stadionunda baş tutacaq. 2020/2021 mövsümündə isə finalda "Barselona" və "Atletik" qarşılaşacaq.