İspaniya klubunda koronavirusa kütləvi yoluxma

İspaniyanın "Fuenlabrada" klubunda koronavirusa 12 yeni yoluxma baş verib. 

"Report"un məlumatına görə, bununla komandada COVID-19 testi müsbət çıxanların sayı 28-ə çatıb. Onlardan biri xəstəxanaya yerləşdirilib, hazırda vəziyyəti sabitdir. 

Yaranmış vəziyyətlə əlaqədar Sequndada son turun "Deportivo" - "Fuenlabrada" matçı təxirə salınıb. Qələbə təqdirində, qonaqlar Primeraya vəsiqə uğrunda pley-offa vəsiqə əldə edə bilərdilər. Pley-off qarşılaşmalarının nə zaman keçiriləcəyi hələlik məlum deyil. 

Qeyd edək ki, "Fuenlabrada" təhlükəsizlik protokolunu pozmaqda şübhəli bilinir.