İngiltərə Premyer Liqası: "Liverpul" - "Mançester Siti" oyununda qalib müəyyənləşməyib

"Liverpul" futbol üzrə İngiltərə çempionatının VIII turunda "Mançester Siti"ni qəbul edib.

“Report” xəbər verir ki, matç "Enfild" stadionunda keçirilib və 2:2 hesabı ilə başa çatıb.

"Liverpul"un heyətində Sadio Mane (59-cu dəqiqə) və Məhəmməd Salah (76) fərqləniblər. Qonaqların qollarını Fil Foden (69) və Kevin De Bröyne (81) vurub.

"Liverpul" yeddi matçda 15 xal yığaraq, İngiltərə çempionatının turnir cədvəlində ikinci yer tutur. "Mançester Siti" 14 xalla dördüncü yerdədir.