Federasiya İngiltərə millisinin baş məşqçisinə yeni müqavilə təklif edir

İngiltərə Futbol Federasiyası (FA) milli komandanın baş məşqçisi Qaret Sautgeytə yeni müqavilə təklif edəcək.

"Report"un məlumatına görə, bu barədə "Daily Telegraph"a açıqlamasında FA-nın icraçı direktoru Mark Bullingem bildirib.

O, 51 yaşlı mütəxəssisin sözləşməsini yeniləmək istədiklərini söyləyib: "Sautgeyt mükəmməl iş görür. Düşünürəm ki, Avropa çempionatından sonra onunla müqavilənin uzadılmasını müzakirə edəcəyik".

Qeyd edək ki, Qaret Sautgeyt 2016-cı ildən İngiltərə yığmasının baş məşqçisidir. Komanda onun rəhbərliyi altında 2018-ci ildə Rusiya keçirilmiş dünya çempionatında 4-cü olub. Mütəxəssisin hazırkı müqaviləsi 2022-ci ilin yayında başa çatacaq. İngiltərə AVRO-2020-nin 1/8 finalında iyulun 29-da Almaniya ilə görüşəcək.