İspaniya klubunun 3 futbolçusunda koronavirus aşkarlandı

İspaniyanın "Betis" klubunun 3 futbolçusunun koronavirus testi müsbət nəticə verib.

"Report"un "El Laguero" radiosuna istinadən məlumatına görə, xəbəri klub bu gün təsdiqləyəcək. Oyunçular isə 2 həftə müddətinə özlərini təcrid edəcəklər.

Qeyd edək ki, La Liqadakı bütün 20 klub koronavirus testindən keçib. Daha əvvəl "Qranada"nın yarımmüdafiəçisi Yanxel Errera, "Atletiko"nun müdafiəçisi Renan Lodi və "Real Sosyedad"ın qapıçısı Aleks Romeroda da koronavirus aşkarlanıb.