"İnter" klubu "Roma"nın yarımmüdafiəçisini heyətinə qatıb

Bakı. 11 iyun. REPORT.AZ/ İtaliyanın "İnter" klubu "Roma" komandasısın futbolçusu Raca Nainqqolanı heyətinə qatıb. 

"Report" "Football İtalia"ya istinadən xəbər verir ki, tərəflər futbolçunun paytaxt klubuna transferinə dair razılıq əldə ediblər. 

"İnter" bu keçid üçün "Roma"ya 29 milyon avro ödəyəcək. 30 yaşlı yarımmüdafiəçinin transferi iyulun 1-də ictimaiyyətə açıqlanacaq. O, yeni klubunda ilinə 4.5 milyon avro qazanacaq. 

Qeyd edək ki, Raca Nainqqolan 2014-cü ildən "Roma"da çıxış edir. Belçikalı oyunçu romalıların heyətində 204 oyunda 33 qola imza atıb.