İngiltərə klubu karantini pozanları heyətdən müvəqqəti kənarlaşdırdı

İngiltərə Premyer Lliqasının "Uotford" futbol klubu karantin qaydalarının pozulmasına görə komandanın üç oyunçusunun heyətdən kənarlaşdırıldığını elan edib.

Bu barədə “Report” klubun mətbuat xidmətinə istinadən xəbər verir.

Bildirilir ki, baş məşqçi Nayjel Pirsonun qərarına əsasən Andre Qrey, Nataniel Çaloba və Dominquş Kin "Uotford"un heyətindən müvəqqəti kənarlaşdırılıb.

Qərar "Sautqempton"la Premyer Liqanın 32-ci turunun bu günə planlaşdırılan matçında bütün oyunçuların, əməkdaşların və rəsmi şəxslərin sağlamlığının və təhlükəsizliyinin təminatı üçün qəbul edilib.