İngiltərə klubu baş məşqçisi ilə müqavilənin müddətini uzadıb

Bakı. 24 may. REPORT.AZ/ İngiltərənin "Tottenhem" klubu baş məşqçisi Maurisio Poçettino ilə yeni müqavilə imzalayıb.

"Report"un klubun rəsmi saytına istinadən verdiyi məlumata görə, 46 yaşlı argentinalı mütəxəssislə yeni sözləşmə 2023-cü ilin iyun ayına qədər nəzərdə tutulub. 

London klubu həmçinin Poçettinonun köməkçiləri ilə də müqaviləni uzadıb.

Qeyd edək ki, Maurisio Poçettino 2014-cü ildən "Tottenhem"ə rəhbərlik edir.