Hiddink koronavirusa yoluxdu, yerini Klüvertə verdi

Hiddink koronavirusa yoluxdu, yerini Klüvertə verdi Futbol üzrə Kürasao millisinin baş məşqçisi Qus Hiddink DÇ-2022-nin iyundakı seçmə oyunlarında komandaya rəhbərlik edə bilməyəcək
Futbol
259
15 May , 2021 09:38
Hiddink koronavirusa yoluxdu, yerini Klüvertə verdi

Futbol üzrə Kürasao millisinin baş məşqçisi Qus Hiddink DÇ-2022-nin iyundakı seçmə oyunlarında komandaya rəhbərlik edə bilməyəcək.

"Report"un məlumatına görə, 74 yaşlı mütəxəssis koronavirusdan bərpa dövrü keçir. Səhhəti ilə əlaqədar işini icra edə bilməyən hollandiyalı mütəxəssis İspaniya "Barselona"sının akademiya direktoru Patrik Klüvertdən onu qarşıdakı görüşlərdə əvəzləməsini xahiş edib.

Öz növbəsində Klüvert isə klub prezidenti Joan Laportadan razılıq alıb. O, 2015 - 2017-ci illərdə Kürasao millisində baş məşqçi olub və ada-dövlətlə yaxşı münasibətlərə malikdir.

Qeyd edək ki, Kürasao yığması iyunun 5-də Britaniya Virgin adaları ilə, iyunun 8-də isə Qvatemala ilə qarşılaşacaq. Bu görüşlərdə qələbə qazanacağı təqdirdə, komanda ikinci seçmə mərhələyə yüksələcək. Qus Hiddink bu komandaya 2020-ci ildən rəhbərlik edir.

Son xəbərlər

Orphus sistemi