Azərbaycanlı hakimlər növbəti dəfə Avropa çempionatının seçmə mərhələ matçına təyinat alıb

Azərbaycanlı hakimlər Rəhim Həsənov və Cəmil Quliyev növbəti dəfə 17 yaşadək futbolçulardan ibarət Avropa çempionatının seçmə mərhələ matçına təyinat alıblar.

"Report" xəbər verir ki, hər iki referi 4-cü qrupda keçiriləcək İsveç - Farer adaları qarşılaşmasında iş başında olacaqlar. Quliyev yan xətt hakimi, FIFA referisi Həsənov isə dördüncü hakim funksiyasını yerinə yetirəcək.

Həsənov bu qrupda daha öncə Farer adalarının Danimarkaya 1:6 hesabı ilə uduzduğu oyunu idarə edib. Həmin görüşdə Quliyev yan xətt hakimi olub.

Qeyd edək ki, İsveç - Farer adaları görüşü bu gün Bakı vaxtı ilə saat 18:00-da başlayacaq.