İspaniyanın daha bir klubu futbolçuların maaşlarını azaldır

İspaniya La Liqasında çıxış edən "Levante" komandasının futbolçuları maaşlarının azaldılmasına razı olublar. 

"Report" klubun rəsmi saytına istinadən xəbər verir ki, çempionat başa çatmasa, məşqçilərin və oyunçuların maaşları 20 faiz azaldılacaq. 

Matçlar boş tribunalar önündə keçiriləcəyi təqdirdə isə məvaciblər 3 faiz aşağı enəcək. 

Qeyd edək ki, İspaniya çempionatı qeyri-müəyyən tarixədək təxirə salınıb. Daha əvvəl "Barselona", "Atletiko", "Real Madrid" kimi klublar futbolçuların maaşlarını azaldıb.