Bakı. 29 oktyabr. REPORT.AZ/ Futbol üzrə Topaz Premyer Liqasında X tura yekun vurulub.
"Report" xəbər verir ki, turun son matçında "Neftçi” "Bakcell Arena"da "Sumqayıt”ı qəbul edib. Görüş meydan sahiblərinin qələbəsi ilə yekunlaşıb - 2:1.
Hesabı 3-cü dəqiqədə "Neftçi"nin hücumçusu Mirabdulla Abbasov açıb. 38-ci dəqiqədə qonaq komandadan Tural Axundov özünün qazandığı penaltini dəqiq yerinə yetirib. Yekun nöqtəni isə 88-ci dəqiqədə cərimə zərbəsi ilə Rəhman Hacıyev qoyub.
Beləliklə, "Neftçi" ardıcıl 4-cü qələbə sayəsində xallarını 13-ə çatdırıb və top fərqində üstün olduğundan, 4-cü pilləyə yüksəlib. Eyni xalı olan "Sumqayıt" isə 5-ci pilləyə enib.
Topaz Premyer Liqa, X tur
29 oktyabr (bazar)
18:00. "Neftçi” - "Sumqayıt” - 2:1
Qol: Mirabdulla Abbasov, 3. Rəhman Hacıyev, 88 - Tural Axundov, 38-penalti ilə
Hakimlər: Rauf Cabbarov, Vaqif Musayev, Cavanşir Yusifov, Ramil Diniyev
AFFA nümayəndəsi: Elbrus Abbasov
Hakim-inspektor: Məlik Həsənov
Bakı. "Bakcell Arena”