Bakı. 17 avqust. REPORT.AZ/ Futbol üzrə Cənubi Koreya millisinin yeni baş məşqçisi müəyyənləşib.
“Report” xəbər verir ki, yığma portuqaliyalı Paulu Bentuya həvalə olunub. 49 yaşlı mütəxəssislə 2022-ci ilə qədər müqavilə bağlanılıb. O, bu postda Sin Txe Yeni əvəzləyib.
Qeyd edək ki, Cənubi Koreya kollektivi Rusiyada keçirilən 2018-ci il dünya çempionatında qrupdan çıxa bilməyib. Bentu 2010-2014-cü illərdə Portuqaliya millisinə rəhbərlik edib. Onun son iş yeri Çinin “Çuntsin Lifan” klubu olub.