Futbol üzrə Avstraliya yığmasına yeni baş məşqçi təyin olunub

Futbol üzrə Avstraliya yığmasına yeni baş məşqçi təyin olunub

Holland mütəxəssis Van Marveyk komanda ilə qısamüddətli müqavilə imzalayıb

Bakı. 25 yanvar. REPORT.AZ/ Tanınmış hollandiyalı mütəxəssis, Niderland milli komandasının sabiq çalışdırıcısı Bert van Marveyk Avstraliya yığmasının baş məşqçisi təyin olunub.

“Report” "The Guardian"a istinadən xəbər verir ki, 65 yaşlı mütəxəssis qısamüddətli müqavilə imzalayıb və kollektivi Rusiyada keçiriləcək dünya çempionatına hazırlayacaq.

Avstraliyalılar DÇ-2018-in qrup mərhələsində Fransa, Danimarka və Peru ilə mübarizə aparacaqlar.