DÇ-2022: İsveçrə qalib gəldi, Ukrayna şansını qaçırdı - YENİLƏNİB-2

Futbol üzrə 2022-ci il dünya çempionatının seçmə mərhələsində II tura yekun vurulub.

"Report"un məlumatına görə, ikinci oyun günündə 6 qrupda 15 görüş keçirilib.

B qrupunda İspaniya yığması səfərdə Gürcüstanı çətinliklə, İsveç isə Kosovonu böyük hesabla məğlubiyyətə uğradıb.

C qrupunda İsveçrə evdə Litvanı 1:0, İtaliya səfərdə Bolqarıstanı 2:0 hesabı ilə yenib.

D qrupunda dünya çempionu Fransa millisi səfərdə Qazaxıstana 2:0 hesabı ilə qalib gəldiyi halda, Ukrayna evdə Finlandiya üzərində qələbəni son anda qaçırıb - 1:1.

F qrupunda Danimarka Moldovanı 8:0, Avstriya Farer adaları yığmasını 3:1 hesabı ilə yenib. İsrail yığması isə evdə Şotlandiya ilə heç-heçə edib - 1:1.

I qrupunda İngiltərə səfərdə Albaniyaya 2:0, Macarıstan San Marinoya, Polşa isə Andorraya 3:0 hesabı ilə qalib gəlib.

J qrupunda isə Ermənistan İslandiyanı 2:0, Şimali Makedoniya Lixtenşteyni 5:0, Almaniya Rumıniyanı 1:0 hesabı ilə üstələyib.

DÇ-2022, seçmə mərhələ
II tur
28 mart

B qrupu
20:00. Gürcüstan - İspaniya - 1:2

Qollar: Xviça Kvaratsxeiliya, 44 - Ferran Torres, 56. Dani Olmo, 90+2

Qırmızı vərəqə: Levan Şengeliya, 90+4 (Gürcüstan)

22:45. Kosovo - İsveç - 0:3

Qollar: Ludviq Auqustinsson, 12. Aleksander İsak, 35. Sebastian Larsson, 70 (pen.)

Qırmızı vərəqə: Bernard Berişa, 90+2 (Kosovo)

Xal durumu: İsveç - 6, İspaniya - 4, Yunanıstan - 1 (1), Gürcüstan - 0, Kosovo - 0 (1)

C qrupu
22:45. Bolqarıstan - İtaliya - 0:2

Qollar: Andrea Belotti, 43 (pen.). Manuel Lokatelli, 83

22:45. İsveçrə - Litva - 1:0

Qol: Cerdan Şakiri, 2

Xal durumu: İsveçrə - 6, İtaliya - 6, Litva - 0 (1), Şimali İrlandiya - 0 (1), Bolqarıstan - 0

D qrupu
17:00. Qazaxıstan - Fransa - 0:2

Qollar: Usman Dembele, 19. Sergey Malıy, 44 (öz qapısına)

İstifadə olunmamış penalti: Kilian Mbappe, 75 (Fransa)

22:45. Ukrayna - Finlandiya - 1:1

Qollar: Junior Moraes, 80 - Teemu Pukki, 89 (pen.)

Qırmızı vərəqə: Vitali Mikolenko, 88 (Ukrayna)

Xal durumu: Fransa - 4, Finlandiya - 2, Ukrayna - 2, Bosniya və Herseqovina - 1 (1), Qazaxıstan - 0 (1)

F qrupu
20:00. Danimarka - Moldova - 8:0

Qollar: Kasper Dolberq, 19 (pen.); 48. Mikkel Damsqol, 22; 29. Yens Striger Larsen, 35. Matias Yensen, 39. Robert Skov, 81. Markus İnqvartsen, 89

22:45. İsrail - Şotlandiya - 1:1

Qollar: Dor Perets, 44 - Rayan Freyzer, 56

22:45. Avstriya - Farer adaları - 3:1

Qollar: Aleksandar Draqoviç, 30. Kristof Baumqartner, 37. Saşa Kalayciç, 44 - Sonni Raqner Nattestad, 19

Xal durumu: Danimarka - 6, Avstriya - 4, Şotlandiya - 2, Farer adaları - 1, İsrail - 1, Moldova - 1.

I qrupu
20:00. Albaniya - İngiltərə - 0:2

Qollar: Harri Keyn, 39. Meyson Maunt, 63

22:45. Polşa - Andorra - 3:0

Qollar: Robert Levandovski, 30; 55. Karol Sviderski, 88

22:45. San Marino - Macarıstan - 0:3

Qol: Adam Salai, 13 (pen.). Roland Şallai, 71. Nemanya Nikoliç, 88 (pen.)

İstifadə olunmamış penalti: Roland Şallai, 21 (Macarıstan)

Xal durumu: İngiltərə - 6, Polşa - 4, Macarıstan - 4, Albaniya - 3, Andorra - 0, San Marino - 0

J qrupu
20:00. Ermənistan - İslandiya - 2:0

Qollar: Tiqran Barseqyan, 53. Xoren Bayramyan, 74

22:45. Rumıniya - Almaniya - 0:1

Qol: Serj Qnabri, 17

22:45. Şimali Makedoniya - Lixtenşteyn - 5:0

Qollar: Enis Bardi, 7. Aleksandar Traykovski, 51; 54. Elyif Elmas, 62. İliya Nestorovski, 82 (pen.)

Xal durumu: Almaniya - 6, Ermənistan - 6, Şimali Makedoniya - 3, Rumıniya - 3, Lixtenşteyn - 0, İslandiya - 0.

Qeyd edək ki, turun 10 oyunu martın 27-də keçirilib.

Futbol üzrə dünya çempionatının seçmə mərhələsində II turun daha 4 oyunu keçirilib.

"Report"un məlumatına görə, B qrupunda Gürcüstan və İspaniya milliləri arasındakı qarşılaşmada qonaqlar uzatma dəqiqələrində qələbə qazanıb - 2:1. Meydan sahiblərinin qolunu Azərbaycan millisinin sabiq futbolçusu Badri Kvaratsxeliyanın oğlu Xviça Kvaratsxeliya vurub.

F qrupunda azərbaycanlı referi Əliyar Ağayevin idarə etdiyi görüşdə Danimarka yığması Moldovanı darmadağın edib - 8:0. Bu, "Neftçi"nin sabiq baş məşqçisi Roberto Bordinin hazırda rəhbərlik etdiyi və "Keşlə"dən çağırılmış qapıçı Stanislav Namaşkonun çıxış etdiyi yığmanın ən ağır məğlubiyyəti olub.

I qrupunda İngiltərə səfərdə Albaniyaya, J qrupunda isə Ermənistan öz meydanında İslandiyaya eyni hesabla qalib gəlib - 2:0.

Futbol üzrə 2022-ci il dünya çempionatının seçmə mərhələsində II turun növbəti matçı keçirilib.

"Report"un məlumatına görə, turun ikinci oyun gününün açılış qarşılaşmasında Qazaxıstan yığması Fransanı qəbul edib. Görüş son dünya çempionlarının qələbəsi ilə yekunlaşıb - 2:0. Hesabı 19-cu dəqiqədə Usman Dembele açıb. 44-cü dəqiqədə isə Sergey Malıy avtoqol müəllifi olub.

Qonaq komandanın böyük hesabla qalib gəlmək imkanını isə 75-ci dəqiqədə Kilian Mbappe qaçırıb. Onun penalti zərbəsini meydan sahiblərinin qapıçısı Aleksandr Mokin dəf edib.

Bu qələbədən sonra Fransa 4 xalla D qrupunda vahid liderliyi ələ alıb. İlk oyunundan məğlub ayrılan Qazaxıstan isə qrupda sonuncudur.