Fransa millisinin qapıçısı sürücülük hüququndan məhrum edilib

Bakı. 12 sentyabr. REPORT.AZ/ İngiltərənin "Tottenhem" futbol klubunun və Fransa milli komandasının qapıçısı Uqo Lyoris sərxoş vəziyyətdə avtomobil idarə etdiyi üçün cəzalandırılıb.

"Report" "Sky Sports News"a istinadən xəbər verir ki, 32 yaşlı qolkiper 20 ay müddətinə sürücülük hüququndan məhrum edilib. Həmçinin oyunçuya 56 min avro pul cəzası tətbiq olunub.

Qeyd edək ki, Uqo Lyoris avqustun 24-də sərxoş vəziyyətdə avtomobil idarə edib. Qapıçı ilə bağlı məhkəmə iclası sentyabrın 11-də baş tutub. O, Fransa millisinin heyətində Rusiyada keçirilən dünya çempionatının qalibi olub.