Fransa millisinin baş məşqçisi ilə bağlı qərar verildi

Futbol üzrə Fransa millisinin baş məşqçisi Didye Deşam Avropa çempionatındakı uğursuzluğa baxmayaraq, istefaya göndərilməyəcək.

"Report"un məlumatına görə, bu barədə Fransa Futbol Federasiyasının prezidenti Noel le Qrae "RMC Sport"a açıqlamasında deyib.

Funksioner bildirib ki, 53 yaşlı mütəxəssis DÇ-2022-nin sonunadək yığmanın sükanı arxasında olacaq.

Qeyd edək ki, Fransa millisi AVRO-2020-nin 1/8 finalında İsveçrəyə uduzaraq mübarizəni dayandırıb.