FIFA futbol vətəndaşlığı ilə bağlı qaydaları dəyişir

FIFA futbol vətəndaşlığı ilə bağlı qaydaları dəyişir FİFA futbolçuların milli komandalarda çıxış etmək hüququ ilə bağlı əsasnamədə dəyişiklik etməyi planlaşdırır.
Futbol
608
20 Avqust , 2020 09:41
FIFA futbol vətəndaşlığı ilə bağlı qaydaları dəyişir

FİFA futbolçuların milli komandalarda çıxış etmək hüququ ilə bağlı əsasnamədə dəyişiklik etməyi planlaşdırır.

“Report” xarici mətbuata istinadən xəbər verir ki, yeni qaydaya əsasən, bəzi oyunçulara komandanı dəyişməyə icazə veriləcək. 

Futbolçu ilk çıxış etdiyi yığmada 3 rəsmi matçdan çox oynamayıbsa, komandasını dəyişə bilər. Bundan əlavə, dünya çempionatının və konfederasiyaların final turnirlərində iştirak edənlər vətəndaşlıqlarını dəyişə bilməyəcək.

Hazırkı qaydaya görə, oyunçu milli komanda ilə bir rəsmi matç keçiribsə, ikinci yığmada oynaya bilməz. 

FIFA oyunçulara meydana çıxmadıqları təqdirdə ilk milli komandalarına qayıtmaqla bağlı icazə verilməsini istəyir. 

211 milli federasiya qaydaları təsdiqləsə, yeni əsasnamə gələn aydan qüvvəyə minəcək. Bu, Azərbaycan yığması üçün də bəzi futbolçuların milliləşdirilməsində yardımçı olacaq. 

Son xəbərlər

Orphus sistemi