FİFA Türkiyə yığmasının baş məşqçisini bir oyunluq diskvalifikasiya edib

FİFA Türkiyə yığmasının baş məşqçisini bir oyunluq diskvalifikasiya edib Mirça Luçesku Türkiyənin İslandiya ilə keçirəcəyi qarşılaşmanı tribunadan izləməli olacaq
Futbol
102
2 Oktyabr , 2017 19:19

Bakı. 2 oktyabr. REPORT.AZ/ FİFA İntizam Komitəsi futbol üzrə Türkiyə milli komandasının baş məşqçisi Mirça Luçeskunu bir oyunluq diskvalifikasiya edib. 

"Report" Türkiyə KİV-inə istinadən xəbər verir ki, buna səbəb rumıniyalı mütəxəssisin sentyabrın 2-də 2018-ci il dünya çempionatının seçmə qrup oyunları çərçivəsində Ukrayna yığması ilə səfərdə keçirilən qarşılaşmada oyun epizodlarını birinci hissənin sonunda mobil telefonu ilə ispaniyalı hakim Devid Fernandez Borbalana göstərməsi və matçdan sonra referi barəsində verdiyi açıqlamalardır. 

Bununla da Mirça Luçesku Türkiyənin oktyabrın 6-da doğma divarlar arasında İslandiya ilə keçirəcəyi qarşılaşmanı tribunadan izləməli olacaq. Çünki rumıniyalı mütəxəssisin FİFA İntizam Komitəsinin qərarından apellyasiya şikayəti vermək hüququ yoxdur. 

Məlumatda Türkiyə milli komandasını onun köməkçisi Tayfur Havutçunun meydana çıxaracağı bildirilib.  

Son xəbərlər

Orphus sistemi