FİFA İspaniya Futbol Federasiyasını cərimələyib

Bakı. 25 oktyabr. REPORT.AZ/ FİFA İspaniya Futbol Federasiyasını 220 min İsveçrə frankı məbləğində cərimələyib. 

"Report"un məlumatına görə, səbəb federasiyanın yetkinlik yaşına çatmayan futbolçuların transferində qanun pozuntusuna yol verməsidir.

Cərimə ilə yanaşı, quruma töhmət verilib və xəbərdarlıq edilib. Ali futbol qurumu federasiyaya 18 yaşına çatmamış futbolçuların transferlərini qaydaya salmaq üçün 6 ay vaxt verib.