Mixael Boris: "Qəbələ"ni məğlub edənədək digər komandalardan danışmaq ayıbdır"

Mixael Boris: "Qəbələ"ni məğlub edənədək digər komandalardan danışmaq ayıbdır" "İlk hədəfimiz Azərbaycan təmsilçisini məğlub etməkdir. Hələlik bundan uzağa baxmağa dəyməz. Bu rəqibi məğlub edənədək növbəti komandaların keyfiyyətindən danışmaq ayıbdır".
Futbol
2 İyul , 2022 11:26
Mixael Boris: Qəbələni məğlub edənədək digər komandalardan danışmaq ayıbdır

"İlk hədəfimiz Azərbaycan təmsilçisini məğlub etməkdir. Hələlik bundan uzağa baxmağa dəyməz. Bu rəqibi məğlub edənədək növbəti mərhələdəki komandaların keyfiyyətindən danışmaq ayıbdır".

"Report"un məlumatına görə, bunu Macarıstanın "Fehervar" komandasınn baş məşqçisi Mixael Boris "Qəbələ"yə qarşı keçirəcəkləri UEFA Konfrans Liqasının II təsnifat mərhələsinin oyunları ilə bağlı "Nemzetisport"a müsahibəsində deyib.

47 yaşlı mütəxəssis iyulun 21-dək klub nümayəndələrindən birinin "qırmızı-qaralar"ı təhlil etmək üçün səfərə yollanacağını söyləyib: "Əgər komanda oyunu göstərsək və heyətə xas keyfiyyət ortaya qoysaq, qalib gələcəyik. “Qəbələ”yə qarşı meydana hansı heyəti buraxacağımı indidən deyə bilmərəm. Çünki milli komandalarda çıxış edən futbolçular düşərgəmizə yeni qoşulublar. Buna görə də, oyunçuların fiziki durumları bir-birindən fərqlidir. “Qəbələ” ilə qarşılaşmanın heyətini formalaşdırmaq üçün üç həftə vaxtımız var".

Qeyd edək ki, "Qəbələ" "Fehervar"a qarşı ilk oyununu iyulun 21-də səfərdə, cavab matçını isə bir həftə sonra evdə keçirəcək.

Son xəbərlər

Orphus sistemi