Ernan Krespo istefa verdi

Argentinanın "Defensa və Xustisiya" komandasının baş məşqçisi Ernan Krespo vəzifəsindən ayrılıb.

"Report" xəbər verir ki, bu barədə 46 yaşlı mütəxəssis özünün instaqram səhifəsində paylaşım edib.

Veteran futbolçu ötən ilin yanvarında bu klubun sükanı arxasına keçmişdi. "Defensa və Xustisiya" onun rəhbərliyi altında Cənubi Amerika kubokunu qazanıb.

Qeyd edək ki, Argentina millisində 64 oyun keçirmiş Ernan Krespo 35 qol vurub.