Erdoğan Yeşilyurt: "Yaxşı müdafiə olunduq, əks hücumlarda qol vurduq"

"Bu matçda düzgün oynadıq. Çox yaxşı çıxış etdiyimizi düşünmürəm".

"Report"un məlumatına görə, bu fikirləri Türkiyənin "Sivasspor" klubunun futbolçusu Erdoğan Yeşilyurt Avropa Liqasının qrup mərhələsinin III turunda evdə "Qarabağ"ı 2:0 hesabı ilə məğlub etdikləri matçdan sonra deyib.

26 yaşlı yarımmüdafiəçi görüş ərzində yaxşı müdafiə olunduqlarını söyləyib: "Əks-hücumlarda iki qol vura bildik. Qarşıda daha 3 oyunumuz var. Çətin olacağını bilirik, amma əlimizdən gələni edib qrupdan çıxmaq istəyirik".

Türkiyə təmsilçisinin digər futbolçusu Robin Yalçın vacib görüşdə qələbə qazandıqlarını vurğulayıb: "Mənim üçün hansı mövqedə oynamağımın fərqi yoxdur. Hər zaman ən yaxşısını etmək istəyirəm. Sabah qapıçı da ola bilərəm. O mövqedə də əlimdən gələni edərəm. Önəmli olan komanda şəklində yaxşı çıxış edə bilməkdir".