Dünya çempionatına vəsiqə Misir yığmasının hər bir futbolçusuna 83 min dollar qazandıracaq

Bakı. 9 oktyabr. REPORT.AZ/ 2018-ci il dünya çempionatına vəsiqə qazanan Misir yığmasının futbolçularının hər biri 83 min dollar mükafat alacaq.

“Report”un “Əl-Vatan” qəzetinin elektron versiyasına istinadən verdiyi məlumata görə, komandanın baş məşqçisi Ektor Kuperə 500 min dollar mükafat ödəniləcək.

Qeyd edək ki, Afrika zonasında E qrupunda çıxış edən Misir yığması evdə Konqo üzərində 2:1 hesablı qələbə sayəsində tarixində 3-cü dəfə mundiala vəsiqə qazanıb. Sona bir tur qalmış xallarını 12-yə çatdıran misirlilər ən yaxın izləyici Uqandadan 4 xal aralanıb.