Donald Gerye: "Qarabağ" Azərbaycan futbolunun tarixinə düşmək istəyirdi"

Donald Gerye: "Qarabağ" Azərbaycan futbolunun tarixinə düşmək istəyirdi" "Komanda Ekstraklasada oynamaq istəyir. Mən ən çox bu layihəni bəyəndim".
Futbol
1369
16 Noyabr , 2021 09:29
Donald Gerye: Qarabağ Azərbaycan futbolunun tarixinə düşmək istəyirdi
Donald Gerye

"Komanda Ekstraklasada oynamaq istəyir. Mən ən çox bu layihəni bəyəndim".

"Report"un məlumatına görə, bu fikirləri "Qarabağ" və "Neftçi"nin sabiq futbolçusu Donald Gerye Polşanın "Veçista" klubuna keçidi ilə bağlı danışarkən deyib.

32 yaşlı oyunçu Ağdam təmsilçisinə transfer olduğu dönəmi də xatırlayıb: "Alanyaspor"da çıxış edərkən "Qarabağ" mənimlə maraqlanırdı, amma Türkiyədən ayrılmaq istəmirdim. Bununla belə, klub məni Çempionlar Liqasının qrup mərhələsinə yüksəlmək və Azərbaycan futbolunun tarixinə düşmək istədiklərinə inandırdı. Çünki mən də tarix yazmağı xoşlayıram. "Veçista" Ekstraklasaya gəlsəydi, həqiqətən tarixi hadisə olardı".

Gerye eyni zamanda yeni komandasında yüksək məbləğdə maaş qazanmayacağını da etiraf edib: "Burada Türkiyə və Azərbaycandakı kimi ayda on minlərlə avro maaş almasam da, müqaviləm sanballıdır".

Qeyd edək ki, Donald Gerye 2017 - 2019-cu illərdə də "Qarabağ"ın şərəfini qoruduqdan sonra "Neftçi"yə keçib. O, 2020/2021 mövsümünün əvvəlində Ağdam klubuna qayıdıb. Futbolçunun son klubu Kipr "Apollon"u olub.

Son xəbərlər

Orphus sistemi