Devid Bekhem bu gün məhkəmə qarşısına çıxarılacaq

İngiltərənin futbol üzrə yığmasının keçmiş üzvü Devid Bekhem polisə avtomobil sürərkən qaydaları pozduğunu etiraf edib.

"Report" xəbər verir ki, bu barədə "RİA Novosti" məlumat yayıb.

Yığmanın keçmiş futbolçusu Londonun polis xidmətinə sükan arxasında mobil telefondan istifadə etdiyini etiraf edib.

"The Sun"ın məlumatına görə, polis Devidin sükan arxasında telefonla danışdığını hələ 2018-ci ilin noyabrında bildirib. İndi Bekhemi 200 funt cərimə və 6 ballıq cərimə gözləyir.

Bazar ertəsi Bekhem polisə təqsirini etiraf edib. İş üzrə məhkəmə bu gün keçiriləcək.

Daha əvvəl MLS-də çıxış edən "Los-Anceles Qelaksi" komandanın sabiq futbolçusu Devid Bekhemə qoyulan heykəlin açılışını edib.